Dolların 3 il 2 ayı
Azərbaycan Mərkəzi Bankı mayın 7-də ABŞ dollarının məzənnəsini 1,7 manat həddində saxlayıb. Novator.az bildirir ki, bununla qiymət sabitliyinin 3 il 2 ayı tamamlanıb.
2015-ci ilin devalvasiyaları nəticəsində dolların rəsmi kursu 0,7844 manatdan 1,5594 manata yüksəlib.
2016-cı ildə qiymət 1,7707 manata çatıb.
2017-ci ili 1,7001 manatla yola salan dollar 2018-ci il martın 7-dən 1,7 manata təklif olunur.
Dövlət Neft Fondu Mərkəzi Bankın 2021-ci ilin yanvar-aprel aylarında keçirdiyi valyuta hərraclarında 1 milyard 989,8 milyon ABŞ dolları məbləğində vəsait satıb. Yanvarın valyuta hərraclarında fonddan 644,9 milyon dollar, fevralın hərraclarında 437,3 milyon dollar, martın hərraclarında 397,7 milyon dollar, aprelin hərraclarında 509,9 milyon dollar alınıb.
Manatı qorumağa Dövlət Neft Fondu 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard dollar sərf edib.
