Çempionlar Liqası: növbəti mövsümə kimlər çıxıb?
Novator.az UEFA Çempionlar Liqasının 2021-2022-ci illər mövsümünə vəsiqəni təmin etmiş komandaların siyahısına nəzər salıb.
İspaniyadan “Atletiko”, “Real”, “Barselona”, “Sevilya”, İngiltərədən “Mançester Siti”, Almaniyadan “Bavariya”, İtaliyadan “İnter”, Rusiyadan “Zenit”, Ukraynadan “Dinamo”, Niderlanddan “Ayaks”ın qrup raundunda (14 sentyabr-8 dekabr) oynayacağı dəqiqləşib.
Portuqaliyadan “Sportinq” və “Portu” Çempionlar Liqasına vəsiqə alıblar, ancaq onların turnirə qrupdan, yoxsa üçüncü ələmə mərhələsindən qatılacağı hələ bilinmir.
Turnirdə beş ələmə mərhələsi var.
Şotlandiyadan “Reyncers” üçüncü mərhələdədir (3-10 avqust).
Çexiyadan “Slaviya”, İsveçrədən “Yanq Boyz”, Şotlandiyadan “Seltik” ikinci mərhələdən (20-28 iyul) start götürürlər.
Yunanıstandan “Olimpiakos”, Serbiyadan “Srvena Zvezda”, İsveçdən “Malmö”, Norveçdən “Bode-Qlimt”, Qazaxıstandan “Kayrat”, Belarusdan “Şaxtyor”, Polşadan “Legiya”, Macarıstandan “Ferensvaroş”, Litvadan “Jalgiris” (Vilnüs), Latviyadan “Riqa”, Şimali Makedoniyadan “Şkendiya”, İrlandiyadan “Şemrok Rovers”, Finlandiyadan HİK, Gürcüstandan “Dinamo” (Tbilisi), Maltadan “Hamrun”, İslandiyadan “Valyur”, Monteneqrodan “Buduçnost”, Estoniyadan “Flora” birinci mərhələdə (6-14 iyul) yer alırlar.
Yarışa ilkin raunddan (22-25 iyun) başlayacaq komandalardan hələlik biri məlumdur: Farer adalarından “HB Torshavn”.
