İtaliya milli futbol çempionatında qalib müəyyənləşib. Novator.az-ın məlumatına görə, “İnter” sona 4 tur qalmış yaxın izləyicilər üçün əlçatmaz olaraq çempionluğu təmin edib. Bu, 1908-ci ildə yaradılmış Milan klubunun 19-cu zəfəridir.

Avropanın digər aparıcı çempionatları da başa çatmaq üzrədir. İngiltərə çempionatında “Mançester Siti” 80 xalla liderdir. “Mançester Yunayted”in 67, “Lester”in 63, “Çelsi”nin 61 xalı var.

İspaniya çempionatında “Atletiko” 76 xalla ilk kürsüdədir. “Real” və “Barselona” 74, “Sevilya” 70 xal yığıb.

Fransa çempionatında “Lill” 76 xalla zirvədə qərar tutur. PSJ 75, “Monako” 71, “Lion” 70 xal əldə edib.

Almaniya çempionatında “Bavariya” 71 xalla öndədir. “Leypsiq” 64, “Volfsburq” 57, “Ayntraxt” (Frankfurt) 56, “Borussiya” (Dortmund) 55, “Bayer” 50 xal götürüb.

Mənbə: Football.kulichki.net