Siftə qiymət
AZƏRTAC-ın 1 may məlumatına görə, “AzəriLayt” markalı Azərbaycan neftinin bir barreli 66,55 dollara satılır.
2021-ci ilin dövlət büdcəsində bir barrel neftin qiyməti 40 dollardan götürülüb. “AzəriLayt” yanvara 50,92, fevrala 56,68, marta 65,66, aprelə 64,25 dollarla başlayıb.
Gündəlik xam neft hasilatı yanvar və fevral aylarında 593 min barrel, mart ayında 592,1 min barrel olub. Beynəlxalq razılaşmaya əsasən, Azərbaycan gündəlik xam neft hasilatını mayda 603 min barrel, iyunda 610 min barrel, iyulda 620 min barrel həcmində saxlamalıdır.
2021-ci ilin birinci rübündə Azərbaycanda təxminən 8,8 milyon ton neft (kondensatla birlikdə) çıxarılıb.
2008-ci ilin neft hasilatı 44,5 milyon ton, 2009-cu ilin hasilatı 50,4 milyon ton, 2010-cu ilin hasilatı 50,8 milyon ton həddində rəsmiləşib.
2011-ci ildə hasilat 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton, 2019-cu ildə 37,4 milyon ton, 2020-ci ildə 34,5 milyon ton göstərilib.
