COVİD-19 peyvəndləri üçün ayrıca şprislər buraxılır
Cənubi Koreyada COVİD-19 peyvəndləri üçün ayrıca şprislər istehsal edilir.
Novator.az saytı “Reuters” agentliyinə istinadla xəbər verir ki, LDS şprisləri adlanan şprislərin istehsalı ilə “Poonglim” şirkəti məşğul olur.
LDS şprisləri adi şprislərdən konstruksiyasına görə fərqlənir. Mütəxəssislər LDS şprislərdən istifadənin çox sadə və rahat olduğunu söyləyirlər. Onlar qeyd edirlər ki, ABŞ-ın istehsal etdiyi “Pfizer” peyvəndi ilə dolu flakondan LDS şprislərinə 6 doza çəkmək mümkündür. Daha təcrübəli tibb bacıları bu şprisə 7 doza da yerləşdirə bilər. Standart şprislərə isə peyvəndin yalnız 5 dozası yerləşir.
LDS şprisləri dərman istehsalçılarına böyük gəlir gətirə bilər. Çünki vaksinlər üzrə bağlanan müqavilələrin əksəri tənzimləyici orqanların təsdiqlədiyi flakondan çəkiləcək dozaların sayına əsaslanır.
Mənbə: Reuters.com
