Xarici İşlər Nazirliyinin yenilənmiş strukturu
Novator.az Xarici İşlər Nazirliyinin yenilənmiş strukturuna nəzər salıb.
Kadrlar; Hüquqi Təminat; Mətbuat Xidməti; Maliyyə idarələri; Azərbaycan Respublikasının Beynəlxalq İnkişafa Yardım İdarəsi; Xarici İşlər Nazirliyinin Naxçıvan Muxtar Respublikasındakı İdarəsi; xüsusi tapşırıqlar üzrə səfirlər; nazirin katibliyi birbaşa nazir Ceyhun Bayramova tabedir.
Nazir müavini Araz Əzimov Təhlil və Strateji Araşdırmalar; Hərbi-Siyasi Məsələlər; Regional Təhlükəsizlik; Beynəlxalq Təhlükəsizlik idarələrinə məsuldur.
Fariz Rzayev nazir müavini olaraq Amerika; Asiya; Yaxın Şərq və Afrika; İşlər; Dövlət Protokolu; İkinci Avropa; Konsulluq; Linqvistik Təminat; Arxiv; Xüsusi Rabitə Təminatı idarələrinə; nazirliyin inspeksiyasına; YUNESKO üzrə Milli Komissiyanın Daimi Katibliyinə; Ümumi Katibliyə; xüsusi şöbəyə rəhbərlik edir.
Xələf Xələfov nazir müavini kimi Birinci Avropa; Şərqi Avropa və Mərkəzi Asiya; Beynəlxalq Hüquq və Müqavilələr idarələrinin işinə nəzarətçidir.
Nazir müavini Mahmud Məmməd-Quliyev İqtisadi Əməkdaşlıq; İnsan Hüquqları və Demokratiya; Humanitar və Sosial Məsələlər idarələrinə kuratorluq edir.
