Milli Televiziya və Radio Şurasına yeni təyinat
Aprelin 29-da sərəncam imzalayan prezident İlham Əliyev tanınmış telejurnalist Mübariz Əsgərovu 6 il müddətinə Milli Televiziya və Radio Şurasının üzvü təyin edib.
Milli Televiziya və Radio Şurası 2002-ci ildə televiziya və radio yayımı sahəsində dövlət siyasətinin həyata keçirilməsini təmin etmək və bu fəaliyyəti tənzimləmək məqsədilə yaradılıb.
Dövlət büdcəsindən maliyyələşdirilən 9 nəfərlik şuranın üzvlərini prezident təyin edir. Üç nəfərin səlahiyyət müddəti 2 il, üç nəfərinki 4 il, üç nəfərinki 6 ildir.
Hazırda şuraya İsmət Səttarov sədrlik edir.
Novator.az bildirir ki, Mübariz Əsgərov 1962-ci ildə Ucar şəhərində doğulub. Moskva Dövlət Universitetinin jurnalistika fakültəsini bitirib. Əməkdar jurnalistdir.
Azərbaycan Televiziyasında, ANS TV-də çalışıb, Xəzər TV və ARB TV-də müxtəlif verilişinin müəllifi və aparıcısı olub. “Qulp Studio” Məhdud Məsuliyyətli Cəmiyyətin direktorudur.
