İngilislər İstanbul yolunda?
UEFA Çempionlar Liqasının yarımfinal mərhələsində ilk oyunlar arxada qalıb. Novator.az-ın məlumatına görə, aprelin 28-i Paris səfərində PSJ-ni 2:1 hesabı ilə yenən ingilis klubu “Mançester Siti” final yoluna addımlayıb.
Yarımfinalda “Real” və “Çelsi” komandaları da mübarizə aparır (Madriddəki 27 aprel matçı sülhlə bitib – 1:1).
Final mayın 29-u İstanbulda keçiriləcək.
1955-ci ildə yaradılmış, 1991-ci ilə qədər Çempionlar kuboku adlanmış turnirdə 22 klubun zəfəri var. “Real” 13, “Milan” 7, “Bavariya” və “Liverpul” 6, “Barselona” 5, “Ayaks” 4, “İnter” (İtaliya) və “Mançester Yunayted” 3, “Benfika”, “Nottingem Forest”, “Yuventus” və “Portu” 2 titula sahibdir.
“Seltik”, “Feyenoord”, “Aston Villa”, “Hamburq”, “Styaua”, PSV, “Srvena Zvezda”, “Marsel”, “Borussiya” (Dortmund), “Çelsi” 1 uğur əldə edib.
