Demokratiya hesabatı, Azərbaycanın yeri
“Freedom House” beynəlxalq hüquq müdafiə təşkilatı keçmiş SSRİ məkanı və Şərqi Avropa ölkələri üzrə demokratiya hesabatı yayıb. Novator.az-ın məlumatına görə, Çexiya, Slovakiya, Sloveniya, Estoniya, Latviya, Litva demokratik ölkələr qrupuna düşüb.
Qismən demokratik ölkələr qrupunda Polşa, Rumıniya, Bolqarıstan, Xorvatiya yer alır.
Serbiya, Monteneqro, Bosniya və Herseqovina, Şimali Makedoniya, Kosovo, Albaniya, Macarıstan, Ukrayna, Moldova və Gürcüstan hibrid rejimlər (yarı avtoritar, yarı demokratik) kimi qeyd olunur.
Ermənistan yarı avtoritar ölkə kimi göstərilir.
Azərbaycan avtoritar ölkələr siyahısında gedir. Bu qrupda Belarus, Rusiya, Qazaxıstan, Qırğızıstan, Özbəkistan, Türkmənistan və Tacikistan da var.
1941-ci ildə yaradılan “Freedom House” təşkilatının mərkəzi qərargahı ABŞ-ın paytaxtı Vaşinqtonda yerləşir.
