Siftədə sülh
UEFA Çempionlar Liqasının yarımfinalı sülhlə start götürüb. Novator.az-ın məlumatına görə, aprelin 27-si Madriddə keçirilmiş “Real” – “Çelsi” oyununda qalib müəyyənləşməyib – 1:1.
PSJ – “Mançester Siti” matçı aprelin 28-nə təyin olunub.
1955-ci ildə yaradılmış, 1991-ci ilə qədər Çempionlar kuboku adlanmış turnirdə 22 klubun zəfəri var. “Real” 13, “Milan” 7, “Bavariya” və “Liverpul” 6, “Barselona” 5, “Ayaks” 4, “İnter” (İtaliya) və “Mançester Yunayted” 3, “Benfika”, “Nottingem Forest”, “Yuventus” və “Portu” 2 titula sahibdir.
“Seltik”, “Feyenoord”, “Aston Villa”, “Hamburq”, “Styaua”, PSV, “Srvena Zvezda”, “Marsel”, “Borussiya” (Dortmund), “Çelsi” 1 uğur əldə edib.
