Nazirin səhhəti ağırlaşıb
Xərçəng xəstəliyindən əziyyət çəkən gənclər və idman naziri Azad Rəhimovun vəziyyəti ağırlaşıb. Nazirliyin mətbuat xidmətinin rəhbəri Səmayə Məmmədova aprelin 28-də APA-ya belə deyib.
Azad Rəhimovun səhhəti 2021-ci ilin əvvəlində pisləşib. O, ABŞ-da müalicə olunur.
Novator.az bildirir ki, Azad Arif oğlu Rəhimov 1964-cü il oktyabrın 8-də Bakı şəhərində doğulub. Azərbaycan Dillər Universitetini ingilis dili müəllimi ixtisası üzrə bitirib.
Xətai Rayon Komsomol Komitəsində şöbə müdiri, Azərbaycan Gənclər Təşkilatları Komitəsinin sədri vəzifəsində işləyib. “Ros-İMESKO” Məhdud Məsuliyyətli Cəmiyyətin baş direktoru, “İtaldizayn” Qapalı Tipli Səhmdar Cəmiyyətin baş direktoru olub.
7 fevral 2006-cı ildə gənclər və idman naziri təyin edilib.
Ailəlidir, bir övladı var.
“Şöhrət”, 1-ci dərəcəli “Vətənə xidmətə görə” ordenləri ilə təltif edilib.
Gənclər və İdman Nazirliyi 26 iyul 1994-cü ildə yaradılıb. 18 aprel 2001-ci ildə Gənclər, İdman və Turizm Nazirliyinə çevrilib, 30 yanvar 2006-ci ildən yenidən Gənclər və İdman Nazirliyi adı daşıyır.
