Şəmkirin icra başçısı işdən götürüldü
Alimpaşa Adil oğlu Məmmədov Şəmkir Rayon İcra Hakimiyyətinin başçısı vəzifəsindən azad edilib. Prezident İlham Əliyev sərəncamı aprelin 27-də imzalayıb.
Alimpaşa Məmmədov 8 oktyabr 2014-cü ildən Şəmkir Rayon İcra Hakimiyyətinin başçısı idi. Aprelin 26-da hüquq mühafizə orqanlarının Şəmkir Rayon İcra Hakimiyyətində xüsusi əməliyyat keçirdiyi, bəzi dövlət məmurlarının, o cümlədən icra başçısının həbs edildiyi xəbəri yayılıb.
Novator.az xatırladır ki, 2019-cu ilin dekabr ayında Ağstafanın icra başçısı və Yevlaxın sabiq icra başçısı, 2020-ci ilin fevral ayında Neftçalanın icra başçısı, aprel ayında Biləsuvarın icra başçısı, may ayında İmişlinin icra başçısı, avqust ayında Kürdəmirin icra başçısı, dekabr ayında Cəlilabadın icra başçısı həbs edilib.
