Baş nazirin partiyası seçkini udur
Albaniyada aprelin 25-də keçirilmiş parlament seçkisinin ilkin nəticələri bəlli olub. Novator.az-ın məlumatına görə, baş nazir Edi Ramanın sədrlik etdiyi hakim Sosialist Partiyası 140 yerlik qanunverici orqana 74 mandat qazanaraq önə çıxıb.
Müxalif Demokrat Partiyasının 46 mandat, onun müttəfiqi olan İnteqrasiya Naminə Sosialist Hərəkatının 19 mandat, Sosial Demokrat Partiyasının 1 mandat əldə etdiyi vurğulanır.
Proporsional üsulla seçilən Albaniya parlamentinə düşmək üçün azı 1 faiz səs toplamaq gərəkdir.
Sosialist Partiyası 2013-cü ildən hakimiyyətdədir.
