Ermənistan hökumətində istefa
Ermənistanın əmək və sosial məsələlər naziri Mesrop Arakelyan aprelin 23-də istefa verib. 1985-ci il təvəllüdlü Mesrop Arakelyan nazir postunu 2020-ci il noyabrın 20-dən tuturdu.
Novator.az bildirir ki, Nikol Paşinyanın baş nazirlik etdiyi Ermənistan hökumətində Ara Ayvazyan xarici işlər naziri, Vaqarşak Arutyunyan müdafiə naziri, Rustam Badasyan ədliyyə naziri, Andranik Piloyan fövqəladə hallar naziri, Vaan Kerobyan iqtisadiyyat naziri, Atom Cancuqazyan maliyyə naziri, Ayk Çobanyan yüksək texnologiyalar sənayesi naziri, Suren Papikyan ərazi idarəçiliyi və infrastruktur naziri, Anait Avanesyan səhiyyə naziri, Vaqram Dumanyan elm, təhsil, mədəniyyət və idman naziri, Romanos Petrosyan ətraf mühit naziridir.
Baş nazirin müavini postlarında Tiqran Avinyan və Mger Qriqoryan çalışırlar.
