Hasilat da azalıb, ixrac da
Energetika Nazirliyinin rəsmi hesabatına görə, 2021-ci ilin birinci rübündə Azərbaycanda təxminən 8,8 milyon ton neft (kondensatla birlikdə) çıxarılıb, hasilat ötən ilin eyni dövrü ilə müqayisədə təxminən 552 min ton azalıb.
Yanvar-mart aylarında təxminən 7,3 milyon ton neftin (kondensatla birlikdə) ixrac edildiyi, bu göstəricinin 2020-ci ilin eyni dövrünə nəzərən təxminən 320 min ton az olduğu vurğulanır.
Novator.az bildirir ki, 2008-ci ilin neft hasilatı 44,5 milyon ton, 2009-cu ilin hasilatı 50,4 milyon ton, 2010-cu ilin hasilatı 50,8 milyon ton həddində rəsmiləşib.
2011-ci ildə hasilat 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton, 2019-cu ildə 37,4 milyon ton, 2020-ci ildə 34,5 milyon ton göstərilib.
Azərbaycanın 2021-ci il büdcəsində bir barrel neftin qiyməti 40 dollardan götürülüb. “AzəriLayt” markalı Azərbaycan nefti yanvara 50,92, fevrala 56,68, marta 65,66, aprelə 64,25 dollarla başlayıb.
Aprelin 21-də “AzəriLayt”ın barreli 65,21 dollara satılır.
Gündəlik xam neft hasilatı yanvar və fevral aylarında 593 min barrel, mart ayında 592,1 min barrel olub.
Beynəlxalq razılaşmaya görə, Azərbaycan gündəlik xam neft hasilatını mayda 603 min barrel, iyunda 610 min barrel, iyulda 620 min barrel həcmində saxlamalıdır.
Mayın 1-dək Azərbaycanın gündəlik hasilat kvotası 595 min barreldir.
