Məişət tullantılarının 25 faizi enerjiyə gedib
Dövlət Statistika Komitəsi tullantı hesabatı yayıb. Rəsmi açıqlamaya görə, 2020-ci ildə Azərbaycanda 3 milyon 486,5 min ton (əvvəlki illə müqayisədə 6,4 faiz çox) tullantı əmələ gəlib, onların 67,4 faizi bərk məişət tullantıları, 32,6 faizi müəssisələrin istehsal fəaliyyəti nəticəsində yaranmış tullantılar olub: “Bərk məişət tullantılarının 74,5 faizi poliqonlara daşınıb, 25 faizi enerji əldə edilməsi məqsədilə istifadə olunub, 0,5 faizi ölkə daxilində satılıb.
İstehsalat tullantılarının 24,6 faizi müəssisələrdə xammal kimi istifadə edilib, 20,7 faizi ölkə daxilində satılıb, 1,8 faizi ixrac olunub, 8,4 faizi poliqonlara daşınıb, 44,5 faizi müəssisələrdə qalıb”.
