Yaxın ölkələrlə alış-veriş
Novator.az Azərbaycanın yaxın ölkələrlə rəsmi ticarət statistikasına nəzər salıb.
Dövlət Gömrük Komitəsinin hesabatına görə, 2021-ci ilin yanvar-mart aylarında Azərbaycandan Türkiyəyə 739,3 milyon dollarlıq məhsul ixrac olunub.
Gürcüstana 261,3 milyon, Rusiyaya 135,3 milyon, Ukraynaya 122,5 milyon, Belarusa 79,1 milyon, Türkmənistana 9,8 milyon, İrana 5,2 milyon, Qazaxıstana 4,8 milyon, Özbəkistana 3,3 milyon, Tacikistana 2,8 milyon, Litvaya 1,7 milyon, Latviyaya 1,1 milyon dollarlıq, Qırğızıstana 644,3 min, Estoniyaya 338,2 min, Moldovaya 88,9 min dollarlıq ixrac rəsmiləşib.
Üç ayda Azərbaycan Rusiyadan 449,8 milyon dollarlıq mal alıb.
Türkiyədən Azərbaycana 378,8 milyon, Ukraynadan 99,8 milyon, İrandan 95,9 milyon, Belarusdan 26,4 milyon, Gürcüstandan 19,1 milyon, Özbəkistandan 16,7 milyon, Qazaxıstandan 12,8 milyon, Litvadan 5,8 milyon dollarlıq məhsul göndərilib.
Digər yaxın ölkələrdən idxal göstəriciləri belədir:
Latviya – 3,8 milyon dollar
Qırğızıstan – 1,5 milyon dollar
Estoniya – 1 milyon dollar
Moldova – 1 milyon dollar
Türkmənistan – 892,8 min dollar
Tacikistan – 44,4 min dollar.
