Sərəncam: yeni konsepsiya hazırlanacaq
Prezident İlham Əliyev aprelin 19-da “Ağıllı şəhər” və “Ağıllı kənd” konsepsiyasının hazırlanmasına sərəncam verib. Konsepsiyanın hazırlanması ilə əlaqədar bu tərkibdə işçi qrup yaradılıb:
nəqliyyat, rabitə və yüksək texnologiyalar naziri (işçi qrupun rəhbəri)
iqtisadiyyat nazirinin müavini
kənd təsərrüfatı nazirinin müavini
ekologiya və təbii sərvətlər nazirinin müavini
energetika nazirinin müavini
Vətəndaşlara Xidmət və Sosial İnnovasiyalar üzrə Dövlət Agentliyi sədrinin müavini
Dövlət Şəhərsalma və Arxitektura Komitəsi sədrinin müavini
“Azərişıq” Açıq Səhmdar Cəmiyyəti sədrinin müavini
“Azərsu” Açıq Səhmdar Cəmiyyəti sədrinin müavini.
