66 dollar həndəvərində
Energetika Nazirliyinin 15 aprel məlumatına görə, “AzəriLayt” markalı Azərbaycan neftinin barreli 65,92 dollara satılır. Bu, büdcə qiymətindən 25,92 dollar yüksək qiymətdir.
2021-ci ilin dövlət büdcəsində bir barrel neftin qiyməti 40 dollardan götürülüb. “AzəriLayt” yanvara 50,92, fevrala 56,68, marta 65,66, aprelə 64,25 dollarla başlayıb.
Gündəlik xam neft hasilatı yanvar və fevral aylarında 593 min barrel, mart ayında 592,1 min barrel göstərilib.
Beynəlxalq razılaşmaya görə, Azərbaycan gündəlik xam neft hasilatını mayda 603 min barrel, iyunda 610 min barrel, iyulda 620 min barrel həcmində saxlamalıdır.
Mayın 1-dək Azərbaycanın gündəlik hasilat kvotası 595 min barreldir.
