Xərc nəyə gedir?
Dövlət Statistika Komitəsinin hesabatına görə, 2021-ci ilin yanvar-mart aylarında Azərbaycanın pərakəndə ticarət şəbəkəsində istehlakçılara 5,2 milyard manatlıq ərzaq məhsulları, içkilər və tütün məmulatları, 4,3 milyard manatlıq qeyri-ərzaq malları satılıb, 2020-ci ilin eyni dövrünə nəzərən dövriyyə real ifadədə 1,1 faiz, o cümlədən qeyri-ərzaq malları üzrə 4,7 faiz azalıb, ərzaq məhsulları, içkilər və tütün məmulatları üzrə 2,1 faiz artıb.
Qeyd edilir ki, üç ayda alınan mallara xərclənən vəsaitin 48,6 faizi ərzaq məhsullarının, 5,8 faizi içkilər və tütün məmulatlarının, 16,4 faizi toxuculuq məhsullarının, geyim və ayaqqabıların, 5,4 faizi avtomobil benzini və dizel yanacağının, 5 faizi elektrik mallarının və mebellərin, 2,2 faizi əczaçılıq məhsullarının və tibbi ləvazimatların, 0,7 faizi kompüterlər, telekommunikasiya avadanlıqları və çap məhsullarının, 15,9 faizi digər qeyri-ərzaq mallarının payına düşüb.
