Qeyri-rəsmidən başlayıb
Belarus prezidenti Aleksandr Lukaşenko aprelin 13-dən Azərbaycanda işgüzar səfərdədir. Həmin gün o, Bakıda prezident İlham Əliyevlə qeyri-rəsmi görüş keçirib.
Novator.az bildirir ki, 1954-cü ildə doğulan Aleksandr Lukaşenko prezident kürsüsünü 1994-cü ildən tutur. İlk dəfə 5 il müddətinə seçilən Aleksandr Lukaşenko 1996-cı il referendumu ilə səlahiyyət müddətini 2001-ci ilədək uzadıb. 2001-ci ildə o, ikinci dəfə prezident kürsüsünə yiyələnib. 2004-cü il referendumunda bir nəfərin iki dəfədən çox prezident seçilməsinə məhdudiyyət götürülüb və Aleksandr Lukaşenko 2006, 2010, 2015 və 2020-ci illərin seçkilərinə də qatılaraq dövlət başçısı postunu əlində saxlayıb.
2016-cı il noyabrın 28-də Aleksandr Lukaşenko Azərbaycanın ali dövlət mükafatı olan “Heydər Əliyev” ordeni ilə təltif edilib. Təltif Belarusla Azərbaycan arasında dostluq və əməkdaşlıq əlaqələrinin inkişafında xüsusi xidmətlərlə əsaslandırılıb.
