Peyvəndin ölümdən qurtardığı adamlar – “Sky News”
Koronavirusa qarşı vaksinasiya Böyük Britaniyada yaşı 60-dan yuxarı olan 10 min 400 nəfəri ölümdən qurtarıb.
Novator.az saytı “Sky News” kanalına istinadla bildirir ki, bu hesablamanı ölkənin İctimai Səhiyyə Təşkilatı aparıb.
Dörd aya yaxın – 2020-ci il dekabrın 8-dən 2021-ci il martın sonunadək aparılan tədqiqat zamanı yaşı 60-dan yuxarı olan insanlar arasında gözlənilən ölüm sayı ilə qeydə alınan ölüm sayı müqayisə edilib. Bu qənaətə gəlinib ki, peyvəndləmə olmasaydı, ölüm sayı daha artıq olacaqdı, məsələn, yaşı 80-i haqlamış daha 9 min nəfər öləcəkdi, vaksinasiya onların ölümünün qarşısını alıb.
İctimai Səhiyyə Təşkilatının immunlaşdırma şöbəsinin rəhbəri doktor Meri Ramzin deyib ki, bu araşdırma koronavirus əleyhinə peyvəndin Britaniyada hər gün yüzlərlə insanı xilas etdiyini sübuta yetirir.
Təşkilat vaksinasiya proqramının daha çox insanın həyatını xilas edəcəyini gözləyir.
Mənbə: News.sky.com
