![]({"full":{"0":"2021\/02\/Neft-yeni.jpg","1":750,"2":450,"3":false,"file":"https:\/\/novator.az\/wp-content\/uploads\/2021\/02\/Neft-yeni.jpg"}})
2021-ci ilin mart ayında Azərbaycanın gündəlik xam neft hasilatı 592,1 min barrel olub. Hesabatı Energetika Nazirliyi yayıb.
Əsas neft ixracatçılarını birləşdirən OPEK ölkələri (Anqola, Birləşmiş Ərəb Əmirlikləri, Ekvador, Ekvatorial Qvineya, Əlcəzair, İraq, İran, Konqo, Küveyt, Qabon, Liviya, Nigeriya, Səudiyyə Ərəbistanı, Venesuela) və 10 qeyri-OPEK ölkəsinin birgə qərarına görə, Azərbaycan gündəlik xam neft hasilatını mayda 603 min barrel, iyunda 610 min barrel, iyulda 620 min barrel həcmində saxlamalıdır.
Mayın 1-dək Azərbaycanın gündəlik hasilat kvotası 595 min barreldir. Energetika Nazirliyi yanvar və fevral aylarının gündəlik xam neft hasilatını 593 min barrel göstərib.
Azərbaycanın 2021-ci il büdcəsində bir barrel neftin qiyməti 40 dollardan götürülüb. “AzəriLayt” markalı Azərbaycan nefti yanvara 50,92, fevrala 56,68, marta 65,66, aprelə 64,25 dollarla başlayıb.