Aksiz yenilikləri
Dövlət Vergi Xidməti Nazirlər Kabinetinin 5 aprel 2021-ci il qərarları ilə rəsmiləşən yeni aksiz dərəcələri barədə məlumat yayıb:
– İstehsal məqsədli tütünlər istisna olmaqla digər çəkməli tütünlər, homogenləşdirilmiş və ya bərpa edilmiş tütünlər, çeynənən və ya buruna çəkilən tütünlərin, habelə qəlyan üçün tütünlərin hər kiloqramına 30 manat aksiz dərəcəsi müəyyən olunub.
Qızdırılma nəticəsində istehlak edilən (buxar) tütün və tütün məhsullarının 1000 ədədinə 12,9 manat aksiz dərəcəsi müəyyən edilib.
Tərkibində tütün olan siqarillalar və tərkibində tütün əvəzləyicisi olan siqarillalar üzrə aksiz dərəcəsi 1000 ədədinə 31 manatdan 43 manata, tərkibində tütün olan siqaretlər və tərkibində tütün əvəzləyicisi olan siqaretlər üzrə aksiz dərəcəsi 1000 ədədinə 39 manatdan 43 manata, elektron siqaretlər üçün maye üzrə aksiz dərəcəsi hər litrinə 20 manatdan 100 manata artırılıb.
Aksiz yeniliklərinin qərarlar dərc olunduqdan (5 aprel 2021-ci il) bir ay sonra qüvvəyə minməsi nəzərdə tutulub.
