Naxçıvanda sənaye: 10 ilin fərqi açıqlanıb
Naxçıvan Muxtar Respublikasının Dövlət Statistika Komitəsi bildirir ki, 2020-ci ildə bölgədə 1 milyard 40,4 milyon manat dəyərində məhsul istehsalı qeydə alınıb, bu da 2010-cu ildəki müvafiq göstəricidən 3,3 dəfə çoxdur: “Sənaye məhsulunun 6,6 faizi dövlət sektorunda, 93,4 faizi qeyri-dövlət sektorunda istehsal edilib. 2010-cu ildə bu göstəricilər 12,3 və 87,7 faiz olub.
Ümumi daxili məhsulun sahə strukturunda sənaye 27,6 faizlik payla ilk yerdə qərar tutub. 2010-cu ildə ümumi daxili məhsulun sahə strukturunda sənaye 18,3 faizlə üçüncü yerdə idi.
2020-ci ildə hər bir nəfərə düşən sənaye məhsulu 2259,1 manat olub. Bu, 2010-cu ildəki göstəricidən 2,9 dəfə çoxdur.
Sənaye məhsulunun 93,5 faizi emal sənayesində buraxılıb, istehsal 2010-cu ildəki müvafiq göstəricini 3,5 dəfə üstələyib.
2020-ci ildə bank və kredit təşkilatları təsərrüfat subyektlərinə 18 milyon 561 min manat kreditlər verilib, bu da 2010-cu ildəki göstəricidən 2,6 dəfə çoxdur”.
Hesabata görə, 2020-ci ildə 325,3 milyon ABŞ dolları dəyərində sənaye məhsulu ixrac olunub, sektorda 16913 nəfər işçi çalışıb, bir işçiyə hesablanmış orta aylıq əməkhaqqı 2010-cu ildəki göstəriciyə nisbətən 46,2 faiz artaraq 431,8 manata çatıb”.
