Rəmiş vəfat etdi
Tanınmış gitaraçı, xalq artisti Rafiq Hüseynov (Rəmiş) aprelin 5-də vəfat edib.
1944-cü il noyabrın 14-də Ağdamın Gülablı kəndində doğulan Rafiq Hüseynov orta ixtisas musiqi təhsili alıb, daha çox el sənətçisi kimi tanınıb. Dövlət Televiziya və Radiosunun Xalq Çalğı Alətləri Ansamblının tarzəni, “Dan ulduzu” instrumental ansamblının gitaraçısı olub, Zeynəb Xanlarovanın ansamblında fəaliyyət göstərib.
Xalq artisti adını 18 dekabr 2014-cü ildə prezident İlham Əliyevin sərəncamı ilə alıb.
Bu il yanvarın 28-də Bakıda xəstəxanaya yerləşdirilən Rəmiş qaraciyər çatışmazlığından əziyyət çəkirdi.
Allah rəhmət eləsin!
