Bizdə olmayan statistika
İqtisadçı Rövşən Ağayev sosial siyasətin formalaşdırılması, bu sahədə qərar qəbulu üçün etibarlı statistikanın vacib olduğunu vurğulayır. Novator.az-ın məlumatına görə, ekspert yazır ki, İqtisadi Əməkdaşlıq və İnkişaf Təşkilatının ekspertləri quruma üzv ölkələrdə 0-14 yaşda uşaqların 60%-nin hər iki valideyninin, 30%-nin bir valideyninin ödənişli işə sahib olduğunu bəyan edir: “Hesabata əsasən, cəmi 10% uşağın heç bir valideyni işləmir. Avropa İttifaqının analoji göstəricisi də İqtisadi Əməkdaşlıq və İnkişaf Təşkilatının orta göstəricisinə yaxındır. Lakin ayrı-ayrı ölkələrdə mənzərə fərqlidir. 0-14 yaşda uşaqların Slovakiyada 40, Polşada 50, Danimarkada 80, İsveçdə 82%-nin hər iki valideyni işə və qazanca sahibdir”.
Ekspert Türkiyədə analoji göstəricinin 25%-ə bərabər olduğunu yazır və qeyd edir ki, Azərbaycanda belə statistika aparmaq praktikası yoxdur.
