Baş nazirin partiyası önə çıxdı
Bolqarıstanda aprelin 4-də keçirilmiş parlament seçkisinin ilkin nəticələri açıqlanıb. Novator.az-ın məlumatına görə, baş nazir Boyko Borisovun GERB Partiyası 24,1 faiz səslə önə çıxıb.
240 yerlik Xalq Məclisində daha beş qüvvənin təmsil olunacağı bəyan edilib. Belə Xalq Var Partiyası seçicilərin 19 faizinin dəstəyini alıb. Sosialist Partiyasının 14,8 faiz, Demokratik Bolqarıstan Partiyasının 10,9 faiz, Hüquq və Azadlıq Hərəkatının 8,7 faiz, “Qalx, mafiya rədd olsun” adlı vətəndaş platformasının 5 faizdən bir qədər çox səs topladığı bildirilir.
Proporsional sistemin tətbiq olunduğu seçkiyə 22 partiya və 8 koalisiya qatılıb.
