Əmanətlərin sığortalanması: sistem necə dəyişdi?
Aprelin 5-də “Əmanətlərin tam sığortalanması haqqında” qanunun tətbiq müddəti başa çatıb. Novator.az bildirir ki, 2016-cı ildən qüvvədə olan qanun bu günədək illik faiz dərəcəsi milli valyutada 12 faizdən, xarici valyutada 2,5 faizdən yüksək olmayan əmanətləri əhatə edirdi.
“Əmanətlərin sığortalanması haqqında” qanuna əsasən, 5 aprel 2021-ci ildən fiziki şəxslərin qorunan əmanətləri üzrə kompensasiya məbləği 100 min manat (xarici valyutada 100 min manat ekvivalentində) olur. Bu günədək fiziki şəxslərin qorunan əmanətləri üzrə kompensasiya məbləği 30 min manat idi.
Həmçinin sahibkarlıq fəaliyyəti ilə məşğul olan fiziki şəxslərin bank hesablarındakı vəsaitlərin maksimum 20 min manatı, notariusların depozit hesablarında qalmış, fiziki şəxslərə məxsus pul vəsaitləri tam məbləğdə sığortalanır.
