![]({"full":{"0":"2020\/05\/Avropa-Mehkemesi.jpg","1":752,"2":377,"3":false,"file":"https:\/\/novator.az\/wp-content\/uploads\/2020\/05\/Avropa-Mehkemesi.jpg"}})
Avropa Məhkəməsi sürəti artırır
- 02 Aprel 2021
- comments
- hikmet
- Posted in Dünyanın səsiManşetXəbər
Avropa İnsan Hüquqları Məhkəməsi şikayətlərə daha tez, effektli baxılması üçün yeni iş icraatı strategiyası qəbul edib. Novator.az-ın məlumatına görə, hüquqşünas Xalid Ağalıyev yazır ki, strategiya Avropa Məhkəməsinin işlərə prioritet qaydada baxılması siyasətinin gücləndirilməsinə söykənir.
İşlərə prioritet qaydada baxılması mexanizmi 2009-cu ildə qəbul edilib, 2017-ci ildə yenilənib. Avropa Məhkəməsinin açıqlamasında vurğulanır ki, 2010-2020-ci illərdə baxılmasını gözləyən ərizələrin sayı 160 mindən 65 minə enib. Yeni strategiya ərizəçi və üzv dövlətlər üçün təsiredici və aktual işlərin sürətli müəyyənləşdirilməsinə daha çox diqqət yetirilməsini, prioritetlik siyasətinin gücləndirilməsini nəzərdə tutur.
Avropa İnsan Hüquqları Məhkəməsi 1949-cu ildə yaradılan, 47 ölkəni birləşdirən Avropa Şurasının əsas qurumlarından biridir. Hakimləri üzv ölkələrdən seçilən məhkəmə Avropa İnsan Hüquqları Konvensiyana riayət olunmasını həyata keçirir.
Azərbaycan Avropa Şurasına 2001-ci ildə qoşulub.