Üç ayın kursu
Novator.az xarici valyutaların rəsmi məzənnələrinin yanvar-mart aylarında necə dəyişməsinə nəzər salıb.
Avro 2021-ci ilə 2,0854 manatla başlayıb. Yanvarda ən yüksək rəsmi kurs 2,0958 manat, fevralda 2,0697 manat, martda 2,0547 manat olub.
Gürcüstan larisi 0,5144 manatla start götürüb. Yanvarda rəsmi zirvə 0,5170 manat, fevralda 0,5176 manat, martda 0,5135 manat göstərilib.
Rusiya rublu yola 0,0229 manatla çıxıb. Yanvarda və fevralda maksimal məzənnə 0,0232 manat, martda 0,0233 manat səviyyəsində rəsmiləşib.
Türkiyə lirəsinin ilkin qiyməti 0,2291 manat olub. Yanvarda yuxarı hədd 0,2327 manat, fevralda 0,2442 manat, martda 0,2330 manat göstərilib.
2015-ci ilin devalvasiyaları nəticəsində dolların rəsmi məzənnəsi 0,7844 manatdan 1,5594 manata yüksəlib.
2016-cı ildə rəsmi qiymət 1,7707 manata çatıb.
2017-ci ili 1,7001 manatla yola salan dollar 2018-ci il martın 7-dən banklara 1,7 manata təklif olunur.
Dövlət Neft Fondu Mərkəzi Bankın 2021-ci ilin yanvar-fevral aylarında keçirdiyi valyuta hərraclarında 1 milyard 82,2 milyon ABŞ dolları məbləğində vəsait satıb.
Yanvarın hərraclarında fonddan 644,9 milyon dollar, fevralın hərraclarında 437,3 milyon dollar alınıb.
Fond manatı qorumağa 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard dollar sərf edib.
