Paşinyanın naziri istefa verdi
Ermənistanın yüksək texnologiyalar sənayesi naziri Akop (Akob) Arşakyan martın 31-də istefa verib.
1985-ci il təvəllüdlü Akop Arşakyan hökumətdə 2018-ci ildən təmsil olunub. Bu ilin martında o, paytaxt Yerevanın kafelərinin birində jurnalistə fiziki təzyiq göstərdiyi üçün ictimai qınağa tuş gəlib.
Ermənistan hökumətinə 1975-ci il təvəllüdlü Nikol Paşinyan baş nazirlik edir.
Baş nazirin müavini postlarını Tiqran Avinyan və Mger Qriqoryan tuturlar.
Ara Ayvazyan xarici işlər naziri, Vaqarşak Arutyunyan müdafiə naziri, Rustam Badasyan ədliyyə naziri, Andranik Piloyan fövqəladə hallar naziri, Vaan Kerobyan iqtisadiyyat naziri, Atom Cancuqazyan maliyyə naziri, Suren Papikyan ərazi idarəçiliyi və infrastruktur naziri, Mesrop Arakelyan əmək və sosial məsələlər naziri, Anait Avanesyan səhiyyə naziri, Vaqram Dumanyan elm, təhsil, mədəniyyət və idman naziri, Romanos Petrosyan ətraf mühit naziridir.
