Avropa zonasında durum
2022-ci ilin dünya futbol çempionatının Avropa zonasında seçmə mərhələnin iki turu arxada qalıb. A qrupunda yarışan Azərbaycan martın 24-ü səfərdə Portuqaliyaya 0:1 hesabı ilə uduzub. Həmin gün Serbiya evdə İrlandiyanı 3:2 hesabı ilə yenib. Martın 27-də keçirilən Serbiya – Portuqaliya oyununda 2:2, İrlandiya – Lüksemburq görüşündə 0:1 hesabları qeydə alınıb.
Novator.az bildirir ki, qalan oyunların təqvimi belədir:
30 mart
Azərbaycan – Serbiya
Lüksemburq – Portuqaliya
1 sentyabr
Portuqaliya – İrlandiya
Lüksemburq – Azərbaycan
4 sentyabr
İrlandiya – Azərbaycan
Serbiya – Lüksemburq
7 sentyabr
Azərbaycan – Portuqaliya
İrlandiya – Serbiya
9 oktyabr
Azərbaycan – İrlandiya
Lüksemburq – Serbiya
12 oktyabr
Serbiya – Azərbaycan
Portuqaliya – Lüksemburq
11 noyabr
Azərbaycan – Lüksemburq
İrlandiya – Portuqaliya
14 noyabr
Portuqaliya – Serbiya
Lüksemburq – İrlandiya.
Seçmə mərhələ 10 qrupu əhatə edir. Dünya çempionatına çıxmaq üçün qrupda birinci yeri tutmaq gərəkdir. İkinci yeri tutan 10 komanda və 2020-ci ilin Millətlər Liqasının 2 ən yaxşı komandası əlavə oyunlar keçirmək hüququ qazanacaq.
Hazırda A qrupunda Serbiya və Portuqaliya 4 xalla liderlik edirlər.
B qrupunda İsveç (6 xal), C qrupunda İtaliya və İsveçrə (6 xal), D qrupunda Fransa (4 xal), E qrupunda Çexiya və Belçika (4 xal), F qrupunda Danimarka (6 xal), G qrupunda Türkiyə və Monteneqro (6 xal), H qrupunda Rusiya (6 xal), İ qrupunda İngiltərə (6 xal), J qrupunda Almaniya və Ermənistan (6 xal) öndədir.
2022-ci ilin dünya çempionatı noyabrın 21-dən dekabrın 18-dək Qətərdə keçiriləcək. Reqlamentə görə, final mərhələsində 32 komanda təmsil olunur. Avropanın 13 vəsiqəsi var.
