Baydenin komandası: iki əvəzçi, bir boşluq var
ABŞ prezidenti Cozef Baydenin administrasiyasında yalnız bir nazir əvəzi qalır. Al Stüart əmək naziri səlahiyyətlərini icra edir.
Novator.az-ın məlumatına görə, martın 19-dək 14 katib (nazir) Konqresin yuxarı palatası olan Senatda təsdiqlənərək vəzifəsinin icrasına başlayıb:
Entoni Blinken – dövlət katibi (xarici işlər naziri)
Lloyd Ostin – müdafiə naziri
Merrik Qarland – ədliyyə naziri (baş prokuror)
Deb Holann – daxili işlər naziri
Alexandro Mayorkas – daxili təhlükəsizlik naziri
Canet Yellen – maliyyə naziri
Cina Raymondo – ticarət naziri
Pit Butticiç – nəqliyyat naziri
Cennifer Qrenholm – energetika naziri
Tom Vilsek – kənd təsərrüfatı naziri
Marşa Fac – tikinti və şəhər inkişafı naziri
Xavyer Beserra – səhiyyə və sosial xidmətlər naziri
Denis Makdonou – veteranlarla iş naziri
Miqel Kardona – təhsil naziri.
Kamala Harris vitse-prezident, Ron Kleyn Ağ ev administrasiyasının başçısıdır.
Milli Kəşfiyyata Evril Heyns direktorluq edir.
Ketrin Tay ticarət nümayəndəsi, İzabel Qusman Kiçik Biznes Administrasiyasının rəhbəri, Sesiliya Rouz İqtisadi Məşvərətçilər Şurasının sədri, Maykl Stenli Riqan Ətraf Mühitin Mühafizəsi Agentliyinin rəisi, Linda Tomas-Qrinfild ABŞ-ın BMT-dəki daimi nümayəndəsidir.
Rob Feyrviter İnzibati-Büdcə İdarəsinin direktorunun səlahiyyətlərini icra edir.
Elm və Texnologiya Siyasəti Ofisinin rəisi postu boşdur.
1942-ci il təvəllüdlü Cozef Bayden yanvarın 20-dən prezidentdir.
1972, 1978, 1984, 1990, 1996, 2002 və 2008-ci illərdə ABŞ Konqresinin yuxarı palatası olan Senatın üzvü seçilib. 1987-1995-ci illərdə Senatın Məhkəmə Komitəsinə, 2001-2003 və 2007-2009-cu illərdə Xarici Əlaqələr Komitəsinə sədrlik edib.
2009-2017-ci illərdə vitse-prezident postunu tutub.
