9 ölkə, 16 komanda
2020-2021 mövsümündə UEFA-nın klub turnirlərinə 237 komanda buraxılıb. Novator.az bildirir ki, indi onların 16-sı mübarizədədir: Çempionlar Liqası və Avropa Liqasının 1/4 finallarının hər birində 8 komanda yer alır.
55 UEFA üzvünün 9-u turnirlərdə təmsil olunur. İngiltərə 5, İspaniya 3, Almaniya 2 komanda ilə yarışır.
İtaliya, Fransa, Portuqaliya, Niderland, Çexiya və Xorvatiyanın 1 komandası qalır.
Cari klub reytinqinə İngiltərə və İspaniya başçılıq edirlər: 95,712 əmsal.
Reytinq Çempionlar Liqası və Avropa Liqasında son beş mövsümdə qazanılan əmsala əsaslanır. Qələbə maksimum 2 xal, heç-heçə maksimum 1 xaldır. Çempionlar Liqasının qrup mərhələsi 4 bonus xalı, 1/8 finalı 5 bonus xalı, hər iki turnirin 1/4 finalı, yarımfinalı və finalı 1 bonus xalı verir.
Toplanan xallar qitə turnirlərinə vəsiqə almış ölkə klublarının sayına bölünür və mində bir dəqiqliklə əmsal çıxarılır.
Mənbə: Kassiesa.net
