Dövlət Miqrasiya Xidmətinin hesabatı
Dövlət Miqrasiya Xidməti 2021-ci ilin fevral ayında əcnəbi və vətəndaşlığı olmayan şəxslərin Azərbaycanda qeydiyyatı ilə bağlı 4426 müraciət alıb.
Rəsmi hesabatda müvəqqəti və daimi yaşamaq üçün icazələr üzrə müraciətlərin sayı 3001, şəxsin Azərbaycan vətəndaşlığına mənsubiyyətini müəyyənləşdirmək üzrə müraciətlərin sayı 1803 göstərilir.
80 qərarda cərimə ödəməklə ölkə ərazisini tərk etmək, 267 qərarda ölkə ərazisində yaşamanı qanuniləşdirmək, 9 qərarda ölkə hüdudlarından kənara inzibati qaydada çıxarılmaqla cərimə tətbiqi, 221 qərarda ölkəyə girişə məhdudiyyət qoyulması yer alıb.
Azərbaycan ərazisində müvəqqəti və daimi yaşamaq üçün icazə sənədinin itirilməsi ilə bağlı 24, əcnəbilərin və vətəndaşlığı olmayan şəxslərin işə cəlb edilməsi qaydasının pozulması ilə bağlı 4, qeydiyyat qaydalarının pozulması ilə bağlı 1 qərar çıxarılıb.
