Sənayedə 4 faiz, sərmayədə 32 faiz azalma var
Sənaye müəssisələri və fərdi sahibkarlar 2021-ci ilin yanvar-fevral aylarında 7,1 milyard manatlıq və ya 2020-ci ilin eyni dövrü ilə müqayisədə 4 faiz az sənaye məhsulu istehsal edib. Novator.az-ın məlumatına görə, hesabatı yayan Dövlət Statistika Komitəsi bildirir ki, neft-qaz sektorunda məhsul istehsalı 6,3 faiz düşüb, qeyri neft-qaz sektorunda 12,1 faiz yüksəlib.
Başqa bir hesabata əsasən, yanvar-fevral aylarında əsas kapitala 1 milyard 338,4 milyon manat məbləğində, yaxud 2020-ci ilin ilk iki ayına nəzərən 32 faiz az vəsait yönəldilib, neft-qaz sektoruna investisiyaların həcmi 13,5 faiz, qeyri neft-qaz sektoruna yönəldilən vəsaitin həcmi 49 faiz azalıb.
Əsas kapitala yönəldilmiş vəsaitlərin 50,7 faizini daxili vəsaitlər kimi göstərilir.
