General-polkovnikə “Şərəf” ordeni
General-polkovnik Bəylər Eyyubov “Şərəf” ordeni ilə təltif edilib. Dövlət başçısı İlham Əliyevin 10 mart sərəncamında təltif Bəylər Eyyubovun Prezidentin Təhlükəsizlik Xidmətində səmərəli fəaliyyəti, vəzifə borcunu peşəkarlıqla yerinə yetirməsi ilə əsaslandırılıb.
Novator.az bildirir ki, Bəylər Eyyubovun 70 yaşı tamam olur. 1951-ci il martın 11-də Ermənistanda doğulan Bəylər Eyyubov 2003-cü ildən Xüsusi Dövlət Mühafizə Xidməti rəisinin birinci müavini olub. 2020-ci il martın 16-da dövlət başçısı İlham Əliyev Xüsusi Dövlət Mühafizə Xidmətinin ləğvinə fərman verib. Sənədə görə, Xüsusi Dövlət Mühafizə Xidmətinin əsasında üç qurum yaradılıb: Prezidentin Təhlükəsizlik Xidməti; Xüsusi Rabitə və İnformasiya Təhlükəsizliyi Dövlət Xidməti; Strateji Obyektlərin Mühafizəsi Dövlət Agentliyi. Həmin gün dövlət başçısı Bəylər Eyyubovu Prezidentin Təhlükəsizlik Xidmətinin rəisi təyin edib.
