Dövlət Neft Fondu Mərkəzi Bankın fevralda keçirdiyi valyuta hərraclarında 437,3 milyon ABŞ dolları məbləğində vəsait satıb. Rəsmi hesabat martın 1-də yayılıb.

Novator.az bildirir ki, 2021-ci ilin iki ayının ümumi göstəricisi 1 milyard 82,2 milyon dollardır. Yanvarın hərraclarında fonddan 644,9 milyon dollarlıq valyuta alınmışdı.

2015-ci ilin devalvasiyaları nəticəsində dolların rəsmi məzənnəsi 0,7844 manatdan 1,5594 manata yüksəlib.

2016-cı ildə rəsmi qiymət 1,7707 manata çatıb.

2017-ci ilin fevralında maksimal qiymət qeydə alınıb: 1,92 manat. Həmin ili 1,7001 manatla yola salan dollar 2018-ci il martın 7-dən banklara 1,7 manata təklif olunur.

Dövlət Neft Fondu manatı qorumağa 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard dollar sərf edib.