14 ölkə, 32 klub
2020-2021 mövsümündə UEFA-nın klub turnirlərinə 237 komanda buraxılıb. Novator.az bildirir ki, indi onların 32-si mübarizədədir: Çempionlar Liqası və Avropa Liqasının 1/8 finallarının hər birində 16 klub yer alır.
55 UEFA üzvünün 14-ü turnirlərdə təmsil olunur. İspaniya və İngiltərə 6 komanda ilə yarışır. İtaliyanın 5, Almaniyanın 4, Ukraynanın 2 komandası var.
Fransa, Portuqaliya, Niderland, Şotlandiya, İsveçrə, Xorvatiya, Çexiya, Yunanıstan və Norveçin 1 komandası qalır.
Cari klub reytinqinə İspaniya başçılıq edir: 93,855 əmsal.
Reytinq Çempionlar Liqası və Avropa Liqasında son beş mövsümdə qazanılan əmsala əsaslanır. Qələbə maksimum 2 xal, heç-heçə maksimum 1 xaldır. Çempionlar Liqasının qrup mərhələsi 4 bonus xalı, 1/8 finalı 5 bonus xalı, hər iki turnirin 1/4 finalı, yarımfinalı və finalı 1 bonus xalı verir.
Toplanan xallar qitə turnirlərinə vəsiqə almış ölkə klublarının sayına bölünür və mində bir dəqiqliklə əmsal çıxarılır.
Mənbə: Kassiesa.net
