“AzəriLayt” 66,77 dollara satılır
Fevralın 25-də Azərbaycan nefti “AzəriLayt”ın barreli 66,77 dollara satılır. AZƏRTAC bildirir ki, bu, 2020-ci ilin yanvarından bəri ən yuxarı qiymətdir.
2021-ci ilin dövlət büdcəsində bir barrel neftin qiyməti 40 dollardan götürülüb. “AzəriLayt” yanvara 50,92, fevrala 56,68 dollarla başlayıb.
Beynəlxalq razılaşmaya görə, Azərbaycan 2021-ci ilin yanvar-mart aylarında gündəlik xam neft hasilatını 595 min barrel həcmində saxlamalıdır.
Energetika Nazirliyi yanvar ayının gündəlik xam neft hasilatını 593 min barrel göstərib.
