Xocalı soyqırımının 29 ili tamam olur.

1992-ci il fevralın 26-da erməni silahlı qüvvələri Azərbaycanın Xocalı şəhərini işğal edərək 613 dinc sakini qətlə yetirib.

Novator.az bildirir ki, 17 ölkənin (Bosniya və Herseqovina, Cibuti, Çexiya, Əfqanıstan, Honduras, İndoneziya, İordaniya, Kolumbiya, Qvatemala, Meksika, Pakistan, Panama, Paraqvay, Peru, Sloveniya, Şotlandiya, Sudan) qanunverici orqanı Xocalı qırğınını soyqırımı kimi tanıyan sənədlər qəbul edib.

ABŞ-ın 26 ştatının müxtəlif instansiyalarında, Pakistanın 1 əyalətinin qanunverici orqanında da analoji sənədlər rəsmiləşib.

İslam Əməkdaşlıq Təşkilatı və Türkdilli Dövlətlərin Əməkdaşlıq Şurası da Xocalı qırğınını soyqırımı kimi tanıyır.

Ermənistan 1988-1994-cü illərin təcavüzündə Azərbaycanın Dağlıq Qarabağ bölgəsini və onun ətrafındakı bölgələri işğal edib.

2020-ci il sentyabrın 27-dən Azərbaycan Ordusunun keçirdiyi əməliyyatlarda Cəbrayıl, Füzuli, Zəngilan, Qubadlı, Şuşa şəhərləri, bu rayonların, eləcə də Xocavənd, Xocalı, Laçın rayonlarının və keçmiş Ağdərə rayonunun bir çox ərazisi azad olunub.

Noyabrın 10-da hərbi əməliyyatlar dayandırılıb, Dağlıq Qarabağa və bölgədən Ermənistana gedən Laçın yoluna Rusiyanın hərbi kontingenti yeridilib.

Ermənistan dekabrın 1-dək Ağdam, Kəlbəcər və Laçın rayonlarını Azərbaycana qaytarıb.

Xankəndi, Xocalı, Ağdərə, Xocavənd şəhərləri, Şuşa, Xocalı, Xocavənd rayonlarının və keçmiş Ağdərə rayonunun böyük hissəsi ermənilərin, Laçın şəhəri və rayonun bir neçə kəndi Rusiya hərbçilərinin nəzarətində qalıb.