İlin borcu, borcun illəri
Maliyyə Nazirliyinin rəsmi hesabatına görə, dövlət müəssisələrinin cəlb etdiyi vəsaitlərə verilmiş zəmanətlər nəzərə alındıqda 1 yanvar 2021-ci ilə Azərbaycanın xarici borcu 8 milyard 821,5 milyon ABŞ dolları olub. Bu, ümumi daxili məhsulun 20,7 faizinə bərabərdir.
Novator.az bildirir ki, 1 yanvar 2020-ci ilə Azərbaycanın xarici borcu 9 milyard 91 milyon dollar idi.
Əvvəlki illərə gəlincə, xarici borc 2011-ci ilə 3,8 milyard dollar, 2012-ci ilə 4,8 milyard dollar, 2013-cü ilə 5,7 milyard dollar, 2014-cü ilə 4,7 milyard manat, 2015-ci ilə 6,4 milyard dollar, 2016-cı ilə 6,8 milyard dollar, 2017-ci ilə 6,9 milyard dollar, 2018-ci ilə 9,3 milyard dollar, 2019-cu ilə 8,9 milyard dollar məbləğində göstərilmişdi.
