DSMF hesabatı
Əmək və Əhalinin Sosial Müdafiəsi Nazirliyi Dövlət Sosial Müdafiə Fondu üzrə hesabat yayıb.
Dövlət Sosial Müdafiə Fondu (DSMF) məcburi dövlət sosial sığortası və könüllü (əlavə) sosial sığorta, əhalinin əmək pensiyaları, sosial müavinətlər, ünvanlı dövlət sosial yardımı ilə, təqaüd və kompensasiyalarla, habelə qanunlar, prezidentin və Nazirlər Kabinetinin aktları ilə nəzərdə tutulmuş digər ödənişlərlə təmin edilməsi sahəsində fəaliyyət göstərən publik hüquqi şəxsdir.
Rəsmi hesabata görə, 2018-2020-ci illərdə DSMF-nin gəlirləri 39% artaraq 2020-ci ildə 4 milyard 748 milyon manata çatıb.
Fondun gəlirləri tərkibində məcburi dövlət sosial sığorta haqları üzrə daxilolmalar 3 milyard 553 milyon manat göstərilir, 2020-ci ildə 235 milyon manat ehtiyat vəsaitin yarandığı bildirilir.
Qeyd olunur ki, dövlət büdcəsindən DSMF-yə transfertin məbləği son üç ildə 10% azalıb: “1 yanvar 2018-ci ilə dövlət büdcəsindən ödənən məbləğ DSMF büdcəsinin 38,1 faizini təşkil edirdi, 2020-ci ildə bu rəqəm 26 faizə düşüb”.
Hesabata əsasən, fərdi şəxsi hesabı olanların sayı 2018-2020-ci illərdə 24% artaraq 4 milyon 382 min 297 nəfərə yüksəlib.
