Qərarlar anonsu
Fevralın 25-də Avropa İnsan Hüquqları Məhkəməsi Azərbaycandan göndərilən bir çox şikayətlə bağlı qərarlar elan edəcək. Novator.az hüquqşünas Xalid Ağalıyevə istinadla bildirir ki, Nemət Kərimli mediaya nümayəndə olduğu cinayət işi ilə bağlı açıqlaması üzündən bir il müddətinə vəkillikdən kənarlaşdırılmasından şikayətçidir. Nemət Kərimli vəkillikdən müvəqqəti uzaqlaşdırılmasının Avropa İnsan Hüquqları Konvensiya ilə verilmiş ədalətli məhkəmə araşdırması, şəxsi həyata müdaxilənin yolverilməzliyi, ifadə azadlığı, mülkiyyət hüquqlarının pozulduğunu iddia edib.
Başqa şikayətçi – Elşad Təhməzov 5 aydan artıq qanunsuz həbsdə saxlanıb. Yerli məhkəmələr buna görə ərizəçiyə 1500 təzminat ödənməsinə qərar verib. Ərizəçi təzminatın məbləğini yetərli saymayaraq Avropa İnsan Hüquqları Məhkəməsinə üz tutub.
Pərviz Həşimli və başqalarının şikayətində hərəkət azadlığı hüququna məhdudiyyətlərin tətbiqinin qanunsuzluğu iddia olunur.
Axundov və Məcidova QHT-nin qeydiyyatından imtina edilməsinin qanunsuzluğundan şikayətçidirlər. “Sosial Təşəbbüslər və İnsan Hüquqları” İctimai Birliyinin təsisçiləri olan ərizəçilər birləşmək hüququnun pozuntusunun tanınmasını istəyirlər.
Digər gözlənən qərar Şiriyevin şikayəti üzrədir.
