Bahalaşma faizi
Dövlət Statistika Komitəsi istehlak bazarında qiymətlərin dəyişməsi haqqında hesabat yayıb. Novator.az bildirir ki, rəsmi açıqlamaya görə, 2021-ci ilin yanvar ayında istehlak qiymətləri 2020-ci ilin yanvar ayına nisbətən 3,3 faiz yüksəlib.
Ərzaq məhsulları, içkilər və tütün məmulatlarının 4,6 faiz, qeyri-ərzaq məhsullarının 3,5 faiz, ödənişli xidmətlərin 1,3 faiz bahalaşdığı vurğulanır.
2010-cu ilin rəsmi inflyasiya göstəricisi 5,7 faiz olub. 2011-ci ildə 7,9 faiz, 2012-ci ildə 1,1 faiz, 2013-cü ildə 2,4 faiz, 2014-cü ildə 1,4 faiz, 2015-ci ildə 4 faiz, 2016-cı ildə 12,4 faiz, 2017-ci ildə 12,9 faiz, 2018-ci ildə 2,3 faiz, 2019-cu ildə 2,6 faiz, 2020-ci ildə 2,8 faiz bahalaşma gedib.
