İki general ehtiyata buraxılıb
Azərbaycan Ordusunun iki birlik komandiri – general-leytenant, Azərbaycanın Milli Qəhrəmanı Rövşən Əkbərov və general-mayor Xəqani Cəbrayılov ehtiyata buraxılıb. Xəbəri fevralın 8-də APA Müdafiə Nazirliyinə istinadla yayıb.
Yanvarın 28-də Müdafiə Nazirliyi general-polkovnik Nəcməddin Sadıqovun hərbi xidməti tərk etdiyini açıqlamışdı.
Nəcməddin Sadıqov 1992-ci ildən Azərbaycan Silahlı Qüvvələrində briqada komandiri, korpus komandiri, cəbhə komandanının birinci müavini-Səhra İdarəetmə Qərargahının rəisi vəzifələrini tutub, 1993-cü il noyabrın 2-dən Silahlı Qüvvələrin Baş Qərargah rəisi-müdafiə nazirinin birinci müavini olub.
