Manatın dollar xərci
Dövlət Neft Fondu Mərkəzi Bankın yanvar ayında keçirdiyi valyuta hərraclarında 644,9 milyon ABŞ dolları məbləğində vəsait satıb. Rəsmi hesabat fevralın 3-də yayılıb.
2015-ci ilin devalvasiyaları nəticəsində dolların rəsmi məzənnəsi 0,7844 manatdan 1,5594 manata yüksəlib.
2016-cı ildə rəsmi qiymət 1,7707 manata çatıb.
2017-ci ilin fevralında maksimal qiymət qeydə alınıb: 1,92 manat. Həmin ili 1,7001 manatla yola salan dollar 2018-ci il martın 7-dən banklara 1,7 manata təklif olunur.
Novator.az bildirir ki, 2016-2020-ci illərin valyuta hərraclarında Dövlət Neft Fondundan 28,9 milyard dollar məbləğində vəsait alınıb. Manatı qorumağa 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard dollar sərf edilib.
