Azərbaycan Ordusuna Yardım Fondunun hesabatı
Azərbaycan Ordusuna Yardım Fonduna fevralın 1-dək 212,1 milyon manat, 11,1 milyon ABŞ dolları, 183,4 min avro, 593,9 min Türkiyə lirəsi, 1,8 min İngiltərə funt sterlinqi və 5,3 milyon rubl vəsait daxil olub. Hesabatı Müdafiə Nazirliyi yayıb.
Novator.az bildirir ki, Azərbaycan Ordusuna Yardım Fondu 2020-ci il dekabrın 8-də Silahlı Qüvvələrə Yardım Fondunun bazasında yaradılıb.
Əsasnaməyə görə, Azərbaycan Ordusuna Yardım Fondunun məqsədi ordunun müasir tələblərə uyğun inkişafını təmin etməkdən, onun maddi-texniki bazasını möhkəmləndirməkdən və hərbi qulluqçuların sosial müdafiəsini daha da gücləndirməkdən ibarətdir. Fondun vəsaitinin sərəncamçısı Müdafiə Nazirliyidir. Vəsait fiziki və hüquqi şəxslərin könüllü ianələri və qanunla qadağan olunmayan digər mənbələr hesabına formalaşır.
