Əlilliyi olan şəxslərin reyestrinin aparılması qaydası
Nazirlər Kabineti “Əlilliyi olan şəxslərin reyestrinin aparılması qaydası”nı təsdiqləyib. Novator.az bildirir ki, reyestr Əmək və Əhalinin Sosial Müdafiəsi Nazirliyinin Mərkəzləşdirilmiş Elektron İnformasiya Sistemində əlilliyi olan şəxslər barəsində formalaşdırılan elektron sənədlər və ya sənədlər toplusundan (sənədləşdirilmiş informasiyadan) ibarət informasiya ehtiyatıdır, onun saxlanılması, fəaliyyəti və inkişafı üzrə xərclər dövlət büdcəsi və qanunvericiliklə qadağan edilməyən digər mənbələr hesabına maliyyələşdirilir.
Qaydaya əsasən, reyestrə, habelə reyestrdən digər dövlət informasiya ehtiyatlarına və sistemlərinə ötürülən məlumatlar içində bunlar da var: əlilliyi olan şəxsin şəxsiyyətini təsdiq edən sənədin tipi; şəxsiyyətini təsdiq edən sənədin seriyası; şəxsiyyətini təsdiq edən sənədin nömrəsi; şəxsiyyətini təsdiq edən sənədin verilmə tarixi və etibarlılıq müddəti; şəxsiyyətini təsdiq edən sənədi verən orqanın adı; fərdi identifikasiya nömrəsi (FİN-i); soyadı; adı; atasının adı; doğulduğu tarix; doğulduğu yer; cinsi; vətəndaşlığı; ailə vəziyyəti; yaşayış yeri; faktiki ünvanı; əlaqə telefonu; sürücülük vəsiqəsinin olması;. sürücülük vəsiqəsinin kateqoriyası; əlilliyin müəyyən edildiyi tarix; əlilliyin dərəcəsi; əlilliyin müddəti; əlilliyin ilkin/təkrar olması; əlilliyin səbəbi; əlilliyin növbəti qiymətləndirmə tarixi; peşə-əmək qabiliyyətinin itirilməsi faizi; əmək zəmanəti; diaqnoz.
